أنا عندي أجندة

يعني أيه ما يكونش عندي أجندة و من النهارده لو ماعنديش أجندة لازم يكون لي أجندة لأن النظام السابق حاول يقتل فينا كل أمل و كل حلم يعني أيه أكون عايش بدون هدف أو حلم لازم أكون مدرك لقيمتي كمواطن في هذا البلد و عارف ان ليا دور في اعادة بناء الوطن من جديد و تطهيره من الفساد لازم أكون ايجابي عشان كده لازم يكون عندي أجندة بكل الاهداف و الطموحات التي أريدها لأن من غير الأجندة مش حيكون فيه فرق بيني و بين مخلوقات تانية تأكل و تشرب و تنام وبعدين تموت زي ما اتولدت بس أنا أنسان و ربنا كرمني و أنعم عليا بنعم كتير و حيحاسبني علي النعم دي أنا عملت بيها ايه عشان كده لازم يكون عندي أجندة فيها أنا عاوز ايه لنفسي و لأولادي و لبلدي و للعالم كله و كيفية تحقيق الأهداف اللي في هذه الأجندة و مع مين ممكن أتعاون لتحقيق هذه الأجندة وقدتتلاقي بعض الأجندات في شئ و تختلف في شئ أخر فلاب من التعاون لتحقيق الأهداف المشتركة وليكن شعاري أيوه أنا عندي أجندة